За нас

Совршено место

Вила Ина е совршено место на кое можете да ги организирате своите свадби, приеми, коктели, и забави, со капацитет на седење од 200 до 600 гости, или капацитет со гости на стоење до 1200 гости. Просторот обезбедува приватен паркинг за 85 возила. Вила Ина има хортикултурно уреден простор за поставување на бина / сцена од 40 м2, како и подиум за играње од 120 м2, поседува базен и покриен ресторантски дел од 200 м2 кој може да се користи во случај на неповолни временски услови. Остатокот од просторот е покриен со првокласна трева, со што самиот амбиент добива на елеганција. Распоредот на масите се прави според замислата на клиентот, а тимот задолжен за организирање на настанот обезбедува соодветно украсување и осветлување според желба на гостите, со што целиот настан, особено ако е во вечерните часови, изгледа совршено свечено и романтично.

Гости на сопствената забава

Дел од целосното доживување е и тимот на „Далма Фоод & Кетеринг“ којшто е задолжен за целосна организација на угостителскиот дел како и подготовката на техничкиот дел околу бината, техниката, озвучувањето и осветлувањето. Храната е секогаш свежо приготвена од најдобрите состојки во кујната којашто се наоѓа во самиот комплекс, а начинот на сервирање и послужување (банкет, шведска маса или во порции) се договара според желбата на клиентот. Менијата се подготвуваат со вистинско внимание и целиот тим е посветен на исполнување на желбите и фантазиите на гостите. Гостите ги опслужуваат професионално остручени келнери и шанкери. Целата екипа на „Далма Фоод&Кетеринг“ им стои на располагање на клиентите во текот на подготовката на настанот, околу конечно дефинирање на локацијата, програмата, декорирањето како и техничкиот дел.

Со почит,

Дејан Атанасовски и тимот на „Вила Ина“